Tirana monitorohet nga ajri, masa të shtuara sigurie në prag të samitit të BE

Shqipëria

Tirana monitorohet nga ajri, masa të shtuara sigurie në prag të samitit të BE

Më: 5 dhjetor 2022 Në ora: 13:51
Foto nga vendi i ngjarjes

Janë shtuar masat e sigurisë në kryeqytet një ditë para mbledhjes së samitit të BE-së me Ballkanin Perëndimor.

Siç duket edhe nga videoja, autoritetet po monitorojnë edhe nga ajri mbarëvajtjen e masave të sigurisë, të cilat janë ndërmarrë në mënyrë që të shmangen incidentet e mundshme ditën e nesërme, por edhe pasditen e sotme pasi një pjesë e liderëve europianë mbërrijnë sot në Tiranë.

Zona më e nxehtë është ajo rreth stadiumit të “Air Albania”, ku zyrtarët e lartë do të akomodohen dhe ku do të zhvillojnë mbledhjen ditën e nesërme.

Siparin e mbërritjes për të marrë pjesë në samit e ka hapur kryeministri kroat Andrej Plenković dhe Charles Michel, president i Këshillit Europian.

Sot pasdite dhe gjatë darkës pritet të mbërrijnë; Presidenti i Hungarisë, presidenti Qipros, presidenti i radhës i Bosnjë- Hercegovinë, presidentja e Komisionit Europian Ursula von der Leyen, Komisioneri për Zgjerimin e BE, kryeministri i Maqedonisë së Veriut, kryeministri Portugalisë dhe kryeministri i Irlandës.

Janë 44 delegacione që do të formojnë këtë samit, i cili do të mbahet nesër nga ora 10:00, samit ky i pari që do të zhvillohet në Tiranë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat