U arrestua për vjedhjen e 2 miliardë dollarëve, turku Faruk Fatih Özer apelon vendimin e gjykatës shqiptare për ekstradim

Shqipëria

U arrestua për vjedhjen e 2 miliardë dollarëve, turku Faruk Fatih Özer apelon vendimin e gjykatës shqiptare për ekstradim

Më: 8 dhjetor 2022 Në ora: 10:31
Faruk Fatih Özer

Avokatët e themeluesit të platformës Thodex, Faruk Fatih Özer kanë apeluar vendimin e një gjykate shqiptare për ekstradimin e klientit të tyre në Turqi.

Faruk Fatih Ozer ka depozituar një kërkesë të mërkurën në Gjykatën e Apelit në Durrës kundër vendimit të mëparshëm të Gjykatës së Shkallës së Parë Elbasan, raportojnë mediat turke.

Ozer u arrestua në Shqipëri në gusht pasi ishte shpallur në kërkim. 27-vjeçari i kërkuar me akuza për mashtrim dhe themelim të një organizate kriminale, u largua nga Turqia vitin e kaluar me shumë të mëdha parash.

Turqia lëshoi ​​një urdhër arresti ndërkombëtar pasi ai u arratis me 2 miliardë dollarë.

Prokuroria turke më 22 prill të vitit 2021 filloi zyrtarisht hetimin pas denoncimeve të përdoruesve për mos qasje në llogaritë e bursës së kriptovalutave Thodex dhe pasi pronari i kompanisë ishte larguar jashtë vendit.

Në këtë kuadër u konfirmua se pronari i kompanisë, i dyshuari Özer, ishte larguar jashtë vendit më 20 prill të vitit 2021.

Më pas u lëshua një urdhër ndalimi për shumë persona të dyshuar, përfshirë edhe për Özer ndaj të cilit më parë ishte nxjerrë një urdhër arresti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat