PD publikon videon: Bie mashtrimi i Ramës, agresori i Berishës s’kishte probleme të shëndetit mendor

Shqipëria

PD publikon videon: Bie mashtrimi i Ramës, agresori i Berishës s’kishte probleme të shëndetit mendor

Më: 8 dhjetor 2022 Në ora: 12:01
Gert Shehu

Partia Demokratike ka publikuar një video të fqinjëve të Gert Shehut, agresorit të kreut të PD Sali Berisha gjatë protestës së opozitës dy ditë më parë. Një prej moshatarëve të tij ka deklaruar se Shehu konsumonte lëndë të ndryshme narkotike, ndërsa shtoi se nuk kishte probleme të shëndetit mendor.

Referuar deklaratave të fqinjëve shefi i organizimit të PD, Klevis Balliu, shkruan se sipas tij ka “rënë mashtrimi i qeverisë”.

“Bie mashtrimi i Edi Ramës. Qytetarët që e njohin Gerti Shehun deklarojnë se nuk kishte çrregullime. Fabula ra, tani koha e përgjegjësisë”, shkruan Balliu.

“Nuk ka pasur probleme të shëndetit mendor. Pinte drogë, hashash po si duket pinte edhe nga ato të tjerat. Po me shumë mundësi konsumonte edhe shumë të tjera. Punonte në disa piceri. Ishte besimtar, sa herë kalonte na përshëndeste me fjalë të besimit islam. Nuk ka qenë person problematik në lagje”-u shpreh një prej fqinjëve teksa shtoi se nuk ka probleme të shëdetit mendor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat