Dhunimi i Berishës, test droge për agresorin, prokuroria “zbërthen” kartelat mjekësore

Shqipëria

Dhunimi i Berishës, test droge për agresorin, prokuroria “zbërthen” kartelat mjekësore

Më: 8 dhjetor 2022 Në ora: 17:06
Dhunimi i Berishës

Prokuroria e Tiranës ka sekuestruar kartelat mjekësore të 31-vjeçarit Gerti Shehu që dhunoi dy ditë më parë kryetarin e Partisë Demokratike Sali Berisha gjatë prtotestës së opozitës.

Shehu rezulton me precedent të mëparshëm penal për plagosje, prishje të qetësisë publike dhe trafik droge.

Gjithashtu të riut po i bëhen edhe analizat e testit të drogës, nëse i riu ishte nën efektin e tyre gjatë kryerjes së aktit.

Mbi 31-vjeçarin rëndojnë dy akuza: goditje për shkak të detyrës dhe plagosje me dashje.

Para oficerëve të policisë Shehu ka thënë “Kisha inat personal”. I riu ka dhënë deklarata kontradiktore, pasi ndonëse në njërën ka thënë se kishte inat personal, në të tjerat mësohet se nuk ka dhënë arsye. 31-vjeçarit i është komunikuar masa e arrestit në Spitalin e Traumës.

Ngjarja ndodhi dy ditë më parë në rrugën që lidh selinë e Partisë Demokratike me bulevardin Dëshmorët e Kombit. Gert Shehu, u shpëtoi nga duart truprojave dhe arriti që të godiste me grusht kreun e PD-së, Sali Berisha, teksa ky i fundit po marshonte për në bulevard. Menjëherë kanë ndërhyrë truprojat e Berishës  dhe simpatizantët të Partisë Demokratike, të cilët kanë bërë të mundur neutralizimin e 31-vjeçarit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat