“O Sali o hero, Shqipëria ty të do”, Berisha pritet me ovacione nga protestuesit

Shqipëria

“O Sali o hero, Shqipëria ty të do”, Berisha pritet me ovacione nga protestuesit

Më: 21 dhjetor 2023 Në ora: 10:40
“O Sali, o hero gjithë Shqipëria ty të do”, janë dëgjuar të brohorasin mbështetësit e Berishës.

Deputeti i PD, Sali Berisha është nga sot pa mbrojtje politike pasi Kuvendi votoi më 75 vota për heqjen e imunitetit të tij.

Pas votimit mes tensioneve të kërkesës së SPAK, Berisha ju bashkuar protestuesve që ishin mbledhur jashtë parlamentit të cilët e kanë pritur me ovacione.

“O Sali, o hero gjithë Shqipëria ty të do”, janë dëgjuar të brohorasin mbështetësit e Berishës.

Në deklaratën e tij para mediave pas vendimit të kuvendit, Berisha tha se aksioni opozitar do të vazhdojë.

Berisha e cilësoi vendimi një akt antikushtetues, i cili sipas tij do të përballet me aksionin më të madh opozitar nën moton “O sot, o kurrë”.

Vendim i sotëm i Kuvendit i hap rrugë SPAK të kërkojë një masë më të rëndë sigurie ndaj Berishës siç është arresti me burg ose arrest shtëpie.

comment Për komente lëvizni më poshtë
Sot mund të lexoni Shfletoni kopertinat