Italia do të japë kontraceptivë falas të gjitha grave në vend. Ky vendim vjen pas aprovimit nga Agjencia Italiane e Mjekësisë dhe kostoja totale e kësaj nisme për sistemin shëndetësor italian llogaritet në 140 milionë euro në vit.
Krahas kontraceptivëve falas, shteti italian do të ofrojë dhe trajtimin që zvogëlon shanset e infektimit me HIV/AIDS, të quajtuar trajtim antiretroviral.
Për të folur në lidhje me këtë të ftuar në emisionin ‘Good Morning Albanians’ në Euronews Albania, ishin të ftuar gjinekologia Mimoza Keta, e cila tha se është ulur mosha e aktivitetit seksual.
Mes tjerash ajo nënvizoi se shqiptarët përdorin më shumë kontrecaptivi i urgjencës sesa kondomi.
“Mosha e aktivitetit seksual është ulur. Kondomi është një nga mjetet që të mbron më shumë qoftë nga një shtatëzani e padëshiruar, qoftë dhe nga një infeksion seksualisht i transmetueshëm. Duke pasur një rritje të infeksioneve, kondomi nuk përdoret në çdo marrëdhënie seksuale. Më shumë përdoret kontraceptivi i urgjencës sesa kondomi. Kjo gjë ndodh për shkak se ka nevojë më shumë për informacion”-tha ajo.
