Sejdarasi: Kush e përcaktoi që paga duhet të jetë 900 euro, çfarë studimi u krye?

Shqipëria

Sejdarasi: Kush e përcaktoi që paga duhet të jetë 900 euro, çfarë studimi u krye?

Më: 6 qershor 2024 Në ora: 21:49
Bardhi Sejdarasi

Redaktori për ekonominë, Bardhi Sejdarasi i ftuar në emisionin ‘’Drejt’’ në Ora News ngriti pyetjen se kush e përcaktoi që paga duhet të jetë 900 euro dhe se çfarë studimi u krye.

Sejdarasi: Në Shqipëria ka 1 milionë e 410 mijë të punësuar.

Nga të cilët vetëm 135 mijë janë ata që përfitojnë me një strategji të hartuar nga ministria e Financave dy vite më përpara mbi bazën e hartimit të buxhetit afat mesëm 2023-2025 ku qeveria përcaktoi që 38 miliardë lek të ardhura si të hyra fiskale në buxhet do të përdoreshin për rritjen e pagave.

Tani këtu është një debat i madh.

Kush e përcaktoi që paga duhet të jetë 900 euro?

Çfarë studimi u krye që janë këto kategori që duhet detyrimisht të shkojnë në këtë nivel page?

Çfarë e detyroi qeverinë që atë që kishte planifikuar që ta arrinte në prill të vitit 2025 synon ta arrijë në dhjetor të vitit 2024?

comment Për komente lëvizni më poshtë
Sot mund të lexoni Shfletoni kopertinat