Organizonin lojëra fati në Vlorë, një i arrestuar, bashkëpunëtori në kërkim

Shqipëria

Organizonin lojëra fati në Vlorë, një i arrestuar, bashkëpunëtori në kërkim

Më: 5 prill 2025 Në ora: 16:06
Foto ilustrim

Në kuadër të operacionit policor të koduar “Basti i Fundit”, Komisariati i Policisë Vlorë ka finalizuar një hetim që çoi në zbardhjen e një aktiviteti të paligjshëm të lojërave të fatit dhe basteve sportive në qytetin e Vlorës.

Gjatë këtij operacioni, u arrestua shtetasi J. P., 32 vjeç, banues në Vlorë, ndërsa bashkëpunëtori i tij, shtetasi Xh. Ll., 41 vjeç, u shpall në kërkim.

Veprimtaria e paligjshme u zhvillua në një lokal në lagjen “Osman Haxhiu”, ku përmes kompjuterëve dhe pajisjeve elektronike të tjera, organizoheshin lojëra fati dhe baste sportive. Gjatë kontrollit të bërë në lokal, Policia sekuestroi kompjuterë dhe telefona që përdoroheshin për këtë aktivitet të paligjshëm.

Gjithashtu, është proceduar penalisht në gjendje të lirë edhe shtetasi F. Ç., 21 vjeç, kamarier në lokal, për moskallëzim krimi, pasi dyshohet se kishte dijeni për këtë veprimtari dhe nuk e kishte denoncuar.

Për operacionin, Policia vijon punën për kapjen e shtetasit Xh. Ll., ndërkohë që hetimet e mëtejshme për zbardhjen e plotë të këtij aktiviteti janë në vazhdim.

comment Për komente lëvizni më poshtë
Sot mund të lexoni Shfletoni kopertinat