Begaj pret presidenten e Moldavisë: Diskutuam për forcimin e mëtejshëm të marrëdhënieve dypalëshe

Shqipëria

Begaj pret presidenten e Moldavisë: Diskutuam për forcimin e mëtejshëm të marrëdhënieve dypalëshe

Më: 17 maj 2025 Në ora: 10:31
Foto nga takimi

Presidenti i Republikës, Bajram Begaj, priti sot Presidenten e Republikës së Moldavisë, Sh. S. Znj. Maia Sandu, të cilën e uroi për rizgjedhjen e saj.

Begaj ritheksoi se Shqipëria është në mbështetje të popullit të Moldavisë, i cili vazhdon të luftojë për demokraci, begati dhe të ardhmen e tij në Evropë në këto kohë sfidash që vijnë nga agresioni Rus ndaj Ukrainës.

Kreu i Shtetit vlerësoi marrëdhëniet e mira mes dy vendeve, duke theksuar nevojën për intensifikimin e dialogut politik përmes shkëmbimeve të vizitave në nivel të lartë.

Presidenti Begaj shprehu, gjithashtu, interesin për forcimin e mëtejshëm të marrëdhënieve dypalëshe me fokus zhvillimin e mëtejshëm të bashkëpunimit ekonomik, turizmit dhe në fushën kulturore.

comment Për komente lëvizni më poshtë
Sot mund të lexoni Shfletoni kopertinat