Shkarkimi i drejtorëve nga Rama, analisti: Ish-deputetë nga Amerika po vinë për…

Shqipëria

Shkarkimi i drejtorëve nga Rama, analisti: Ish-deputetë nga Amerika po vinë për…

Më: 10 korrik 2025 Në ora: 23:14
Analisti Dritan Hila

Analisti Dritan Hila ka komentuar në Euronews Albania mbi situatën e shembjeve të ndërtimeve pa leje që po ndodhin në disa zona të Tiranës, duke e lidhur këtë me shkarkimin e drejtorëve.

Hila theksoi se problemi është shumë më i thellë dhe i strukturuar, duke e konsideruar dështimin në krijimin e nënpunësit civil si një nga faktorët kyç.

Sipas analistit, drejtorët e shkarkuar nga Kryeministri Edi Rama mund të zëvendësohen nga ish-deputetë që kanë ardhur nga Amerika dhe që po presin të emërohen drejtorë.

“Mendoj se dështimi është më struktural. Neve dështuam në krijimin e nënpunësit civil dhe të gjithë ata që janë nëpër ato institucione e shikojnë veten të përkohshëm. Drejtorët i hoqi Rama por di që janë kthyer disa ish-deputetë nga Amerika që po presin të bëhen drejtorë sepse duan të marrin diçka shpejt e shpejt dhe të ikin prap në Amerikë, dhe ka shumë raste kështu që ka ndodhur. Po presin të shkojnë me të njëjtën frymë, të kapin ndonjë lekë. Shpresoj që Rama ta fillojë nga struktura dhe nga ana e legjislacionit”, tha Dritan Hila.

comment Për komente lëvizni më poshtë
Sot mund të lexoni Shfletoni kopertinat