Hapet këtë të premte rruga Qukës-Qafë Plloçë.
Prej orës 11:00 ky aks rrugor do të jetë i aksesueshëm për të gjitha automjetet.
Segmenti i ri, me një gjatësi prej 43 kilometrash, përfshin rreth 10 kilometra përgjatë lumit Shkumbin dhe më pas kalon në zonën malore të Mokrës, duke përfshirë ndërtimin e mbi 20 urave, mure mbajtëse dhe një tunel 375 metra të gjatë.
Në hapjen e këtij aksi rrugor do të jetë i pranishëm kryeministri Rama dhe ministrja e infrastrukturës, Belinda Balluku.