GJKKO pranon kërkesën e Jonaid Myzyrit, hiqet masa e pezullimit nga detyra! Kreu i KPP kthehet në zyrë

Shqipëria

GJKKO pranon kërkesën e Jonaid Myzyrit, hiqet masa e pezullimit nga detyra! Kreu i KPP kthehet në zyrë

Më: 3 tetor 2025 Në ora: 15:45
Jonaid Myzyri

Gjykata e Posaçme e Shkallës së Parë për Korrupsionin dhe Krimin e Organizuar ka pranuar kërkesën e Jonaid Myzyrit për heqjen e masës së pezullimit nga ushtrimi i detyrës publike.

Me vendimin nr. 641, të datës së sotme (03.10.2025,) trupa gjykuese në GJKKO me kryesuese Etleva Deda ka konstatuar humbjen e fuqisë së masës ndaluese të vendosur më herët ndaj tij.

Vendimi:

NJOFTIM PËR MEDIAT 1. Kërkuesi Jonaid Myzyri me datë 02.10.2025 ka paraqitur pranë Gjykatës kërkesën me objekt: “Konstatimin e humbjes së fuqisë së masës ndaluese të sigurimit “Pezullim i ushtrimit të një detyre a shërbimi publik”, parashikuar nga neni 242 i K.Pr.Penale, e caktuar ndaj të hetuarit Jonaid Myzyri”. 2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Etleva Deda, bazuar në nenet 262/2 dhe 267/2 të K.Pr.Penale, me vendimin nr. 641, datë 03.10.2025, vendosi: 1. Pranimin e kërkesës së kërkuesit/të hetuarit Jonaid Myzyri. 2. Konstatimin e humbjes së fuqisë së masës ndaluese të sigurimit “Pezullim i ushtrimit të një detyre a shërbimi publik”, parashikuar nga neni 242 i K.Pr.Penale, e caktuar me vendimin nr. 61, datë 30.06.2025 të Gjykatës së Posaçme të Shkallës së Parë për Korrupsionin dhe Krimin e Organizuar. 3. Shpenzimet gjyqësore i ngarkohen palëve sikundër i kanë kryer. 4. Kundër këtij vendimi lejohet ankim brënda afatit ligjor 5 (pesë) ditor në Gjykatën e Posaçme të Apelit për Korrupsionin dhe Krimin e Organizuar. Tiranë, më datë 03.10.2025 Gjykata e Posaçme e Shkallës së Parë për Korrupsionin dhe Krimin e Organizuar

comment Për komente lëvizni më poshtë
Sot mund të lexoni Shfletoni kopertinat