Situata e motit në Shkodër, aksi Theth-Breg Lumi e bllokuar

Shqipëria

Situata e motit në Shkodër, aksi Theth-Breg Lumi e bllokuar

Më: 18 nëntor 2025 Në ora: 09:50
Foto ilustrim

Këtë të martë, situata e motit në Bashkia Shkodër paraqitet e qetë, ndërsa reshjet e shiut vijojnë me intensitet mesatar, pa problematika të mëdha, ka bërë me dije Komisioni i Mbrojtjes Civile në Qarkun Shkodër.

Sipas raportimeve, në fshatin Gimaj, Njësia Administrative Shalë, rruga Theth-Breg Lumi është ende e bllokuar si pasojë e shembjes së masivit të inerteve. Gjatë ditës së sotme, strukturat e Bashkisë dhe Ministrisë së Mbrojtjes po punojnë për zhbllokimin e aksit dhe rikthimin e qarkullimit normal.

Në Vaun e Dejës, reshjet e shiut vijojnë me intensitet mesatar, ndërsa është raportuar mungesë e energjisë elektrike në disa njësi administrative.

Në Bashkinë Pukë, reshjet e shiut janë gjithashtu me intensitet mesatar dhe nuk ka probleme të raportuara.

Në Bashkinë Fushë Arrëz, reshjet e shiut vijojnë me intensitet të lartë, shoqëruar me shkarkesa sporadike të rrufeve. Raportohet për mungesë të energjisë elektrike në disa njësi administrative. Strukturat po punojnë intensivisht për normalizimin e situatës.

comment Për komente lëvizni më poshtë
Sot mund të lexoni Shfletoni kopertinat