Apeli liron ish të dashurën e Safet Bajrit

Shqipëria

Apeli liron ish të dashurën e Safet Bajrit

Më: 20 nëntor 2025 Në ora: 18:49
E.A, ish e dashura e Safet Bajrit

Gjykata e Apelit të Posaçëm ka liruar E.A, pjesë e procedimit të Safet Bajrit, duke zëvendësuar masën nga arrest me burg në arrest shtëpie. Bëhet fjalë për ish të dashurën e Bajrit, e akuzuar për sigurim kushtesh për vrasjen e Fatbardh Licit në vitin 2018.

Mbrojtja argumentoi se akti i ekspertimit të zërit në përgjimin e pretenduar nga prokuroria nuk mund të realizohet nga ekspertët e fushës.

SPAK thotë se ka dyshime se ajo ka ndihmuar Safet Bajrin dhe Astmer Bilalin, ditën kur ata kryen ekzekutimin e Licit në Shkodër, duke larguar këtë të fundit me makinë.

Në akuzë për këtë vrasje është edhe Behar Bajri, i cili sipas SPAK e ka organizuar vrasjen si hakmarrje për ekzekutimin e mikut të tij Boran Bërçana, një ish-polic dhe partneres së tij.

comment Për komente lëvizni më poshtë
Sot mund të lexoni Shfletoni kopertinat