Nard Ndoka ironizon Ramën: U ftua si kryeministër, zgjodhi të sillet si dado

Shqipëria

Nard Ndoka ironizon Ramën: U ftua si kryeministër, zgjodhi të sillet si dado

Më: 23 janar 2026 Në ora: 19:15
Kreu i PDK Nard Ndoka

Kreu i PDK Nard Ndoka ka dhënë një koment për Bordin e Paqes dhe për ftesën që Presidenti Donald Trump i bëri Shqipërisë për të qenë pjesë e tij.

 Ndoka u shpreh se ftesa e Trump ishte institucionale, jo për Ramën si individ.

“Ftesa e Trump ishte institucionale, për Kryeministrin e Shqipërisë, jo për Edi Ramën si individ”, tha Ndoka.

Kreu i PDK-së nuk kurseu as ironitë duke u shprehur se Rama u ftua si kryeministër por zgjodhi të sillej si dado.

Sipas Ndokës, zgjedhja e tij ishte personale por dhe një justifikim politik që do mbahet mend më shumë se vetë ftesa.

“Ironia është se u ftua si Kryeministër i një shteti, por zgjodhi të sillet si dado. Trump e thirri për politikë, Rama zgjodhi të mbajë vajzën. Një e drejtë personale, sigurisht, por edhe një justifikim politik që do mbahet mend më shumë se vetë ftesa”, deklaroi Ndoka.

comment Për komente lëvizni më poshtë
Sot mund të lexoni Shfletoni kopertinat