Momente tmerri janë regjistruar këtë drekë në Kuçovë ku një grua ka hipur në një kullë të ish-uzinës dhe këcënoi se do të vrasë veten. Elona Bregu punonjëse e pastrimit, në gjendje në dukje tepër të rënduar psikologjike është shprehur se ,prej dy muajsh nuk kishte marrë pagën dhe kur e ka kërkuar është pushuar nga puna.
Koleget e saj të punës kanë deklaruar se pak ditë më parë se ato kanë shkuar në bashkinë e Kuçovës për të kërkuar pagën e cila u ishte vonuar, por më pas ishin pushuar edhe ato.
“Nuk na kanë dhënë rrogën dhe na hoqën nga puna. Ne të tre që ishim në bashki, na hoqën. Na e prenë shkurt; ju hoqëm nga puna se shkuam në bashki. Ne në bashki nuk kemi sharë njeri. Para 4 muajve hoqën dhe 4 të tjerë. Ne në bashki nuk kemi sharë dhe as kemi qëlluar me gurë, kemi kërkuar vetëm rrogat tona. I thamë; çfarë po bëhet me rrogat tona”, tha kolegja e punonjëses së pastrimit.
Ndëkohë që ka mbërritur në vendngjarje policia bashkiake, të cilët zhvilluan negociata me 40-vjeçaren. Pas bisedimeve, ajo zbriti nga vinçi, si edhe iu premtua që do të rikthehej në punë.
