Një automjet është përfshirë nga flakët gjatë natës në Prrenjas.
Ngjarja ka ndodhur rreth orës 04:00 të mëngjesit të 14 marsit.
Sipas të dhënave paraprake, makina në pronësi të shtetasit me inicialet L. T. ka qenë e parkuar në momentin kur ka rënë zjarri.
Si pasojë janë shkaktuar vetëm dëme materiale dhe nuk raportohet për persona të lënduar.
Nga veprimet e para dyshohet se zjarrvënia mund të ketë qenë e qëllimshme, ndërsa policia po punon për të përcaktuar shkakun e plotë të zjarrit dhe për të sqaruar rrethanat e ngjarjes.
Materialet procedurale i janë dërguar Prokurorisë pranë Gjykatës së Shkallës së Parë me Juridiksion të Përgjithshëm në Elbasan për veprime të mëtejshme.
