Shpërndante kanabis pranë shkollave në Tiranë/ Arrestohet shitësi 27-vjeçar dhe procedohet blerësi

Shqipëria

Shpërndante kanabis pranë shkollave në Tiranë/ Arrestohet shitësi 27-vjeçar dhe procedohet blerësi

Më: 2 maj 2026 Në ora: 15:28
Droga e gjetur nga Policia italiane

Një 27-vjeçar është arrestuar nga policia pasi dyshohet për shitje të lëndës narkotike kanabis në zona të ndryshme të kryeqytetit.

Sipas njoftimit zyrtar, kontrollet janë kryer nga Forca e Posaçme Shqiponja në bashkëpunim me specialistët për hetimin e narkotikëve, si pjesë e operacioneve për goditjen e shpërndarjes së drogës, sidomos pranë shkollave dhe lokaleve.

Gjatë ndërhyrjes, policia ka ndaluar 27-vjeçarin A. H., banues në Tiranë, teksa iu gjet një sasi kanabisi gati për shpërndarje.

Në të njëjtën kohë, është proceduar edhe një tjetër person, R. L., i cili kishte blerë një sasi të vogël të lëndës narkotike nga ai.

Droga e sekuestruar është marrë si provë materiale, ndërsa të dy rastet po hetohen nga prokuroria për veprime të mëtejshme.

comment Për komente lëvizni më poshtë
Sot mund të lexoni Shfletoni kopertinat