Një shpërthim me lendë plasëse është shënuar në orët e para të së dielën në qytetin e Laçit.
Sipas burimeve policore, ngjarja ka ndodhur rreth orës 03:00, pranë qepenit të derës së një dyqani që ndodhet në një kompleks shërbimesh.
Mësohet se ngjarja ka shkaktuar vetëm dëme materiale.
Në vendngjarje kanë shkuar shërbimet e Policisë dhe grupi hetimor. Nën drejtimin e Prokurorisë, po kryhen veprimet hetimore për sqarimin e plotë të rrethanave dhe dokumentimin ligjor të rastit, me qëllim identifikimin dhe kapjen e autorit ose autorëve të ngjarjes.