Shkeli perimetrin e sigurisë me mjet lundrues, gjobitet me mbi 1000 euro në Velipojë

Shqipëria

Shkeli perimetrin e sigurisë me mjet lundrues, gjobitet me mbi 1000 euro në Velipojë

Më: 27 maj 2026 Në ora: 21:21
Pamjet enjë mjet lundrues tip Jet Ski në afërsi të bregut në zonën e Velipojës

Shërbimet e Policisë Kufitare në Velipojë të Shqipërisë kanë intensifikuar masat, duke shtuar ndjeshëm patrullimet në vijën bregdetare të Velipojës.

Sipas njoftimit, gjatë patrullimit, shërbimet e Policisë Kufitare kanë marrë njoftim nga pushuesit se një mjet lundrues tip Jet Ski kishte hyrë në afërsi të bregut në zonën e Velipojës, duke rrezikuar sigurinë e personave që bënin plazh, përcjell KosovaPress.

Menjëherë, shërbimet e Stacionit të Policisë Kufitare Velipojë dhe Njësia Policore Detare kanë ndërhyrë dhe kanë konstatuar mjetin lundrues tip Jet Ski, me drejtues shtetasin R. Gj.

“Në përfundim të procedurave administrative, drejtuesi i mjetit lundrues do të ndëshkohet me masë administrative me vlerë 100.000 lekë të rinj (1 mijë e 47 euro)”, thuhet në njoftimin e Policisë së Shtetit.

Policia e Shtetit apelon për të gjithë përdoruesit e mjeteve lundruese që të respektojnë me rigorozitet rregullat e lundrimit dhe perimetrin e sigurisë për pushuesit që bëjnë plazh në zonat e përcaktuara.

comment Për komente lëvizni më poshtë
Sot mund të lexoni Shfletoni kopertinat