Gjatë ditës së sotme është riaktivizuar vatra e zjarrit në Drenie në Patos, në pjesën veriore të zonës.
Për normalizimin e situatës në terren janë angazhuar 5 mjete zjarrfikëse, 25 efektivë të MZSH-së dhe 15 forca bashkiake, të cilët po punojnë për vënien nën kontroll të flakëve.
Operacioni i shuarjes paraqitet i vështirë për shkak të terrenit të thepisur, ndërsa intensiteti i zjarrit e vështirëson më tej ndërhyrjen e forcave në terren.
Ekipet vijojnë punën për izolimin e vatrës dhe parandalimin e përhapjes së mëtejshme të zjarrit në drejtim të fshatit Drenie.
