Prishtina Volley po e merr veten javë pas jave dhe po tubon pikë në elitën e volejbollit të Kosovës.
Djelmoshat e Prishtinës treguan zemër të madhe në përballje me Drenicën në Skenderaj, duke shënuar fitore me rezultat 3:0 (25:15, 25:22, 25:18), në ndeshjen e javës së 8-të.
Kryetrajneri i Prishtina Volley, Xhavit Kajtazi, ka bërë një punë të madhe me lojtarë të ri, e cila po jep frytet e saja.
Tre pikë domethënëse për Prishtinën, të cilën e largojnë sa më larg pjesës së poshtme të tabelës.
Prishtina renditet në vend të shtatë me 10 pikë, duke e lënë pas Drenicën me 3 sosh.
