Gjithçka është gati për ‘Kupën e Pavarësisë’ në volejboll (meshkuj e femra).
Kupa e Pavarësisë do të mbahet në fundjavë (26-28 nëntor) në sallën sportive në lagjen ‘Marigona’ në Prishtinë.
Kampionja në fuqi dhe liderja e Kampionatit të Kosovës, Drita nga Gjilani, është gati për sfidën me Vllazninë e Shkodrës, e cila luhet me 26 nëntor, në orën 19.00.
Drita pretendon finalen e “Kupës së Pavarësisë”.
Kryetrajneri i Dritës, Lorik Ilazi, tha se janë mirë të përgatitur për sfidën me Vllazninë.
“Drita është duke u përgatitur për ta fituar ‘Kupën e Pavarësisë’.
E kuptojmë që kemi vështirësi duke e ditur që Tirana ka vajza të reja e të talentuara dhe trajnere Amarilda Prengën, ku ka fut një frymë të re në skuadër.
Kësaj kur ja shtojmë edhe historinë e volejbollit shqiptarë ku gjithmonë ka qenë shumë më larte se ne e kuptojmë që është vështirë por ne kemi punuar me përkushtim dhe përqendrim që ta fitojmë ‘Kupën e Pavarësisë’.
Ne fillimisht do të takohemi me Vllazninë e Shkodrës, një skuadër me shumë lojtare cilësore, të cilat unë i njoh mirë.
Por unë e shoh Dritën time favorite edhe pse në fushë mund të ndodhë çdo gjë!”, thotë Ilazi për gazetën kombëtare “Bota sot”.
Gjysmëfinalet
Me 26 nëntor, femrat
Tirana - M-Technologie 16.30
Drita - Vllaznia 19.00
Meshkujt, me 27 nëntor
Drita - Tirana 16.30
Erzeni - Ferizaj
