Erzeni ndeshet me Tiranën për titull

Volejboll

Erzeni ndeshet me Tiranën për titull

Më: 19 prill 2022 Në ora: 12:04
Erzeni ndeshet me Tiranën për titull

Erzeni është finalisti i dytë i play off-it në volejboll për meshkuj për sezonin 2021-2022. Ekipi shijakas mposhti 3-1 Partizanin kampion në fuqi në gjysmëfinalen e tretë, duke siguruar kështu të drejtën të duelojë për titullin kampion. Erzeni do të sfidojë në finale Tiranën, e kualifikuar më herët.

Sfida e tretë gjysmëfinale u luajt në kryeqytet, ku erzeni mik arriti të përmbysë Partizanin, që pat fituar ndeshjen e parë. Edhe në këtë sfidë, kryeqytetasit fituan 25-18 setin e parë, por më pas zhgënjyen. Në dy setet e radhës, Partizani gaboi në momentet e fundit.

Erzeni fitoi 25-23 setin e dytë dhe 27-25 atë të tretë, duke u karikuar edhe më shumë. Shijakasit fitojnë 25-21 setin e katërt dhe shkojnë në finale, ndërkohë që Partizani dorëzon titullin kampion, duke mos arritur dot objektivat e këtij sezoni.

Meshkuj-Gjysmëfinale play off

Nd.1, Tirana – Vllaznia, 3-0

Nd.1, Partizani – Erzeni, 3-1

Nd.2, Vllaznia – Tirana, 0-3

Nd.2, Erzeni – Partizani, 3-1

Nd.3, Partizani – Erzeni, 1-3

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat