Sako: Do të jemi të denjë edhe në Europë

Volejboll

Sako: Do të jemi të denjë edhe në Europë

Më: 2 maj 2022 Në ora: 12:23
Sako: Do të jemi të denjë edhe në Europë

Tepër i emocionuar pas shpalljes kampion me Tiranën, trajneri Arben Sako deklaroi:

“Është një titull që i mungonte klubit që prej vitit 1994 dhe për fatin e mirë si unë ashtu edhe profesor Agim Reka kemi qenë protagonistë të asaj skuadre. Nuk gjej fjalë për t’i falënderuar djemtë e Tiranës për punën e shkëlqyer në të gjithë vitin dhe për sakrificat dhe mundin, ku si rezultat erdhën edhe këto finale kaq të bukura. Nuk duhet harruar edhe Erzeni që bëri një paraqitje të shkëlqyer”, u shpreh fillimisht Sako.

Më tej trajneri theksoi vështirësitë e finales së fundit, për të vijuar më pas me falënderimet për të gjithë ata që kanë kontribuuar në një sezon të tillë: “Në këtë finale kishim tre lojtarë të dëmtuar, si Lapera, Ledion Martiro dhe Gaxiri. Por falë karakterit dhe sakrificës së këtyre lojtarëve ne arritëm që ta kurorëzojmë me sukses titullin.

Këtë triumf në radhë të parë ia dedikoj familjes sime, që më durojnë kaq shumë. Ua dedikoj gjithë këtyre djemve të mrekullueshëm dhe të gjithë asaj plejade që ka sakrifikuar për volejbollin e Tiranës, si trajnerët Ali Lulolli, Harun Dojaka, Fatmir Sharofi, Farie Hoti e shumë e shumë të tjerë”.

Në fund ai shtoi: “Vitin tjetër do ta shikoni që do të jetë një Tiranë akoma edhe më e fortë, që do të marrë pjesë në Kupat e Europës dhe do të ballafaqohet denjësisht. Gjej rastin që t’i falënderoj të gjithë sportdashësit e Tiranës, pavarësisht se nuk i kënaqëm në finale e tretë.

Ndërsa qershia mbi tortë i mbetet administratores së klubit, Deborah Keçi, që punon natë e ditë për këtë skuadër dhe për të shumësportëshin e Tiranës”, përfundoi trajneri Arben Sako.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat