Halime Fetahu - Osmani paralajmëron të marrë ekipin e Prishtinës F!

Volejboll

Halime Fetahu - Osmani paralajmëron të marrë ekipin e Prishtinës F!

Nga: Kemajl Goca Më: 9 gusht 2022 Në ora: 16:42
Halime Fetahu - Osmani

Ish volejbollistja Halime Fetahu -  Osmani, aktualisht anëtare e bordit të FVK-së, ka disa plane për të ardhmen, madje paralajmëron se mund të rikthehet në klubin e volejbollit Prishtina F.

Fetahu nuk e përjashton këtë mundësi të kthehet si presidente, sipas saj, para 5 viteve ka qenë presidente e këtij klubi dhe është si shtëpia e saj.

Ajo shkon aq larg, duke thënë se mund të marrë tërësisht ekipin, të rikthejë në nivelet më të larta, si klubi më i vjetër që ka kryeqyteti.

Znj. Halime, flitet e përflitet se po planifikoni të riktheheni në KVF Prishtina F, ka të vërtetë?

“Po, ka gjasa ndoshta edhe do të marrë krejt vet KV Prishtinën. Prishtina është e të gjithëve”, thotë shkurt Halime Fetahu – Osmani për gazetën kombëtare “Bota sot”.

Ish volejbollistja dhe ish presidentja e këtij klubi, nuk jep detaje të tjera apo çfarë është duke përgatitur, por sipas saj, ka një plan të madh. Nuk tregon se a do të zbatojë tani apo më vonë, apo do të futet fuqishëm e pa paralajmërim.  

A do të fillon një luftë e re në aspektin sportiv, duket se veç e ka shpallur zonja Fetahu – Osmani. Krejt në fund, sipas saj, kush e ka lekun e ka byrekun, kështu thonë në popull!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat