Ekipi hungarez për trajnerin e Kosovës: Po e nisim sezonin me një trajner të ri

Volejboll

Ekipi hungarez për trajnerin e Kosovës: Po e nisim sezonin me një trajner të ri

Nga: K.G. Më: 9 gusht 2022 Në ora: 23:35
Edon Ibrahimi

Në sezonin 2022/2023, Edon Ibrahimi do të jetë kryetrajner i ekipit të volejbollit Veszpremi Egyetemi Sport Club, anëtar i Ligës së Parë të Hungarisë (femrat).

“Ne po kërkonim një profesionist të ri, ambicioz që i përshtatet ideve tona dhe mendoj se kemi gjetur personin e duhur për këtë”, tha drejtori i klubit, Gergely Szokolik, për faqen e klubit hungarez. 

“27-vjeçari Edon Ibrahimi vjen në qytetin e mbretëreshave nga Kosova. KV Fer Volley – Ferizaj ka pasur sukses me ekipin e tij në vitet e fundit, pasi e ka ngjitur ekipin në divizionin më të lartë, ku marshuan deri te medalja e argjendtë. Ata gjithashtu përfunduan në vendin e dytë në Kupën e Kosovës, si dhe fituan Kupën e Federatës në sezonin”, shkruan mes të tjera.

“Më pëlqeu koncepti i përshkruar nga drejtuesit e klubit. Doja të provoja diçka të re, të shkëputesha nga rutina e zakonshme dhe ndjej se mund të përmbush veten si trajner në VESC”, -Ibrahimi.

“Krahas skuadrave të mëparshme të klubit, profesionisti i ri në vitet e fundit ka qenë kapiten i Kombëtares së Kosovës U17, ndërsa suksese të mëdha ka arritur edhe si trajner i volejbollit në rërë në vendin e tij”, shkruan më tej.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat