Skenderaj po hulumton tregun me synime që të përforcohet sa më shumë për edicionin e ri në elitën e volejbollit të Kosovës.
Skuadra e Skenderaj është përforcuar me volejbollisten Adea Millaku.
“Kemi kënaqësinë të prezantojmë lojtaren më të re të klubit tonë, Adea Millaku.
Adea rrugëtimin në volejboll e nisi që në moshën 10-vjeçare në KV Klina dhe me kalimin e viteve ishte bërë një nga lojtaret më të rëndësishme të klubit.
Sot, Adea përfaqëson me krenari si ekipin U-19, U-21, ashtu edhe ekipin senior të Kosovës, duke dhënë gjithmonë maksimumin në fushë.
Adea luan në pozitën e pranueses”, njofton KV Skenderaj.
“Përvoja e saj ndërkombëtare:
U17 Turqi 2023
U19 Bullgari 2023
U18 Bullgari 2024
U20 Turqi 2024
U18 Itali 2024 (Kapitene e Kombëtares)
U20 Sllovaki 2024
U19 Shqipëri 2025
U21 Shqipëri 2025
Seniore Shqipëri/Kroaci 2025
Për Adean, volejbolli nuk është vetëm një lojë – është pasion, sfidë dhe frymëzim i përditshëm për të arritur më shumë”, shkruan më tej në faqen e klubit.