Peja e nis me fitore Kupën e Pavarësisë

Volejboll

Peja e nis me fitore Kupën e Pavarësisë

Më: 28 nëntor 2025 Në ora: 19:44
Pamje nga ndeshja

Peja e ka nisur me fitore në edicionin e sivjetmë të Kupës së Pavarësisë, duke mposhtur me rezultat të 3:0 (25:17, 25:13, 25:21) skuadrën e volejbollit Shkëndija e Tetovës.

Pjesa më e madhe e ndeshjes u karakterizua me dominim të Pejës, që nga fillimi e deri në fund.

Seti i parë dhe i dytë u kontrolluan plotësisht nga kampionët kosovarë, me epërsi të qartë në shërbim, bllok dhe organizim të lojës.

Shkëndija reagoi më fuqishëm në setin e tretë, por Peja menaxhoi qetësisht ritmin për ta mbyllur takimin pa lënë dyshime.

Me këtë fitore, Peja hedh hapin e parë drejt fazës finale të turneut, duke treguar formë të lartë dhe ambicie për të synuar trofeun e Kupës së Pavarësisë.

comment Për komente lëvizni më poshtë
Sot mund të lexoni Shfletoni kopertinat