Ferizaj nuk gabon, Skënderbeu i Kraishtës pëson humbje

Volejboll

Ferizaj nuk gabon, Skënderbeu i Kraishtës pëson humbje

Më: 11 dhjetor 2025 Në ora: 22:19
Ferizaj

Ferizaj ka vazhduar formën e mirë në Grupin A, duke regjistruar fitoren e dytë 3:0 (25:23, 25:20, 25:21) pas një ndeshjeje solide ndaj Skënderbeut nga Kraishta, në ndeshjen e Ligës Gjergj Kastrioti në volejboll.

Seti i parë ishte më i ngushti, me Skënderbeun që rivalizoi deri në fund, por Ferizaj u tregua më i qartë në pikët vendimtare, duke e mbyllur 25-23.

Në setin e dytë dhe të tretë, ferizajasit morën kontrollin e lojës, duke zhvilluar seri të mira pikësh dhe duke fituar 25-20 e 25-21, për të siguruar kështu një fitore të pastër 3-0.

Me këtë sukses, Ferizaj ngjitet në vendin e dytë të grupit me 6 pikë, vetëm një më pak se lideri Partizani.

Ndërkohë, Skënderbeu mbetet ende në kërkim të pikëve të para në këtë edicion.

comment Për komente lëvizni më poshtë
Sot mund të lexoni Shfletoni kopertinat