Kombëtarja U-18 e Kosovës gati për Kualifikimet e Kampionatit Evropian CEV 2026

Volejboll

Kombëtarja U-18 e Kosovës gati për Kualifikimet e Kampionatit Evropian CEV 2026

Më: 31 dhjetor 2025 Në ora: 15:03
Kombëtarja U18 e Kosovës

Kombëtarja U18 e Kosovës në volejboll po i vazhdon përgatitjet dhe grumbullimin në prag të Kualifikimeve të Kampionatit Evropian CEV U18 2026, që do të zhvillohen nga 3 deri më 7 janar 2026 në Podgoricë të Malit të Zi, në palestrën SC Verde.

“Nën udhëheqjen e përzgjedhësit Darko Prebiraçeviç, dhe me ndihmën e trajnerëve Ermal Maliqi, Elmi Zymeri dhe Naim Gucati, ekipi kombëtar është duke punuar intensivisht në aspektin teknik, taktik dhe fizik, me synimin që të jetë sa më i përgatitur për sfidat evropiane që e presin.

Grumbullimi dhe seancat stërvitore po zhvillohen në Kosovë, ku Kombëtarja do të qëndrojë dhe do t’i vazhdojë përgatitjet deri më 2 janar, përpara nisjes drejt Podgoricës, ku do të zhvillohet turneu kualifikues.

Sa i përket kalendarit të ndeshjeve, Kosova do ta nisë garën më 3 janar me përballjen ndaj Rumanisë, për të vazhduar më 4 janar kundër Malit të Zi, ndërsa më 5 janar e pret sfida ndaj Turqisë. 

Pas fazës së grupeve, më 6 dhe 7 janar janë të planifikuara ndeshjet e fazës përfundimtare, varësisht nga renditja e ekipeve.

Pjesëmarrja në këto kualifikime përbën një moment të rëndësishëm për zhvillimin e volejbollit të të rinjve në Kosovë, duke u dhënë lojtarëve mundësinë të përballen me konkurrencë të fortë ndërkombëtare dhe të fitojnë përvojë të çmuar për të ardhmen”, njofton FVK.

comment Për komente lëvizni më poshtë
Sot mund të lexoni Shfletoni kopertinat