Ferizaj ka regjistruar një tjetër fitore të rëndësishme, duke mposhtur Lubotenin 3:1 (25-14, 21-25, 25-20, 25-22) dhe duke vazhduar presionin ndaj liderit Peja në kuadër të elitës së volejbollit të Kosovës.
Në derbin lokal, djemtë e KV Ferizaj dominuan në setin e parë, ndërsa Luboteni reagoi në të dytin për të barazuar rezultatin.
Megjithatë, Ferizaj u rikthye me lojë më të organizuar dhe efikase në dy setet pasuese, duke mbyllur ndeshjen në favor të tyre.
Me këtë triumf, Ferizaj mbetet vetëm dy pikë prapa liderit, duke e mbajtur të hapur garën për pozitën e parë.
Në anën tjetër, humbja e largon Lubotenin nga zona e top-4, sidomos pas fitores së Skënderbeut në këtë xhiro.