Erion Bajrami transferohet në Bundesligën gjermane të volejbollit

Volejboll

Erion Bajrami transferohet në Bundesligën gjermane të volejbollit

Më: 21 prill 2026 Në ora: 19:00
Bahri Gjinovci, Erion Bajrami

Volejbollisti i talentuar gjilanas, Erion Bajrami, ka arritur një moment historik në karrierën e tij duke u transferuar në elitën e volejbollit gjerman te skuadra Helios Grizzlys Giesen.

22-vjeçari, i cili së fundmi shkëlqeu në kampionatin bullgar me ekipin Deya Sport, ka nënshkruar kontratën që e dërgon në njërën nga ligat më të forta të Evropës.

Ky transferim u përshëndet edhe nga kreu i Federatës së Volejbollit të Kosovës, Bahri Gjinovci, i cili priti lojtarin në selinë e FVK-së, duke e vlerësuar këtë lëvizje si një dëshmi të rritjes së cilësisë së sportistëve tanë në arenën ndërkombëtare.

Për Bajramin, kjo aventurë e re në Bundesligë përfaqëson një hap gjigant, duke u bërë volejbollisti i parë kosovar që vesh fanellën e klubit të themeluar në vitin 1981.

"Jam shumë i lumtur për këtë hap të ri në karrierën time dhe mezi pres të jap maksimumin në këtë nivel," u shpreh lojtari, i cili tashmë do të përfaqësojë Kosovën në një kampionat me shikueshmëri dhe rivalitet të lartë.

comment Për komente lëvizni më poshtë
Sot mund të lexoni Shfletoni kopertinat