Ndahet nga jeta Mjeshtri i Madh i volejbollit, Thoma Spaho (Muqi).
“Profesor Muqi ishte një personalitet i rrallë i sportit shqiptar.
Breza të tërë volejbollistësh janë formuar nga dora e tij, duke trashëguar jo vetëm aftësitë sportive, por edhe dashurinë për lojën dhe disiplinën.
Ai ishte simbol i volejbollit të bukur dhe i përkushtimit të palodhur.
Sportdashësit korçarë do ta kujtojnë gjithmonë me respekt dhe mirënjohje për pasionin, rezultatet dhe kontributin e jashtëzakonshëm si trajner i Skënderbeut dhe i ekipit kombëtar.
Federata Shqiptare e Volejbollit shpreh ngushëllime për familjarët e Profesor Thoma Spaho.
Do të mbetesh i paharruar për familjen e madhe te volejbollit.
Të qoftë dheu i lehtë Profesor”, thuhet nga FShV.