Media malazeze veçon dy lojtare tona, befasohet nga Kosova

Volejboll

Media malazeze veçon dy lojtare tona, befasohet nga Kosova

Nga: K.G. Më: 19 qershor 2026 Në ora: 23:34
Kosova

Pasi kishte befasuar me fitore ndaj Rumanisë fundjavën e kaluar, Mali i Zi në volejboll për femra u ndal në mënyrë të papritur nga Kosova në Prishtinë.

“Vashat e drejtuara nga Jovo Cakoviq konsideroheshin favorite, por pësuan humbje të thellë me rezultat 3:0 (25:19, 25:21, 25:15), duke i dhënë fund serisë prej tri fitoreve radhazi në Ligën Evropiane të CEV-it.

Ndeshja, e zhvilluar në Pallatin e Rinisë dhe Sportit në Prishtinë, zgjati rreth një orë e gjysmë dhe u dominua pothuajse gjatë gjithë kohës nga Kosova, ndërsa malazezet bënë shumë gabime.

Periudha më e mirë e lojës për Malin e Zi ishte në mesin e setit të dytë, kur krijoi epërsi 13:8 pas një serie prej 5:0 pikësh. Avantazhi më i madh ishte 17:11, por më pas pasoi rënia në lojë. Kosova reagoi me pesë pikë radhazi dhe më vonë përmbysi rezultatin, duke kaluar në epërsi 21:19. Seti i dytë përfundoi 25:21 për ekipin vendas.

Në setin e tretë, Kosova ishte edhe më bindëse. Volejbollistet kosovare fituan shumë pikë pa përgjigje dhe në fund vulosën fitoren me dhjetë pikë diferencë, 25:15.

Te Mali i Zi, më e dalluara ishte Dijana Vukoviq me 15 pikë, ndërsa Mina Dragoviq realizoi tetë. Sashka Gjuroviq shtoi shtatë pikë, ndërsa Simona Petranoviq dhe Teodora Çaviq nga gjashtë secila.

Kosova u udhëhoq nga Dhurata Sulejmani me 14 pikë dhe Loresa Avdyli me 13, duke qenë më meritorët për fitoren e rëndësishme të ekipit vendas.

Malazezet do ta mbyllin edicionin e sivjetmë të Ligës Evropiane me ndeshjen kundër Hungarisë, e cila ende nuk njeh humbje, të shtunën nga ora 17:00:, shkruan media malazeze “Vijesti”.

Kosova – Mali i Zi 3:0 (25:19, 25:21, 25:15)

Prishtinë, shikues: 100.

Gjyqtarë: Vlastimil Kovarzh (Çekia) dhe Istref Elezaj (Kosova).

Kosova: Z. Kadriu, B. Kadriu 4, Kalludra 1, Avdyli, Guri, V. Kadriu, Krasniqi, Gashani, Begaj, Iljazi (libero), Neziri, Sulejmani, Llugaliu, Mehmeti (libero).

Mali i Zi: Çuroviq, Cenoviq (libero), Shushiq, Çaviç, Jovoviq, Pekoviq, Vukoviq, Petranoviq, Veliçkoviq (libero), Vukçeviq, Rakoçeviq, Popoviq, Koprivica, Dragoviq.

Sot mund të lexoni Shfletoni kopertinat