Brazili rrëzon kampionet, finalja e Ligës së Kombeve ndaj Turqisë

Volejboll

Brazili rrëzon kampionet, finalja e Ligës së Kombeve ndaj Turqisë

Nga: K.G. Më: 25 korrik 2026 Në ora: 20:26
Pamje nga ndeshja

Kombëtarja e Brazilit në volejboll për femra ka eliminuar kampionen në fuqi, Italinë, dhe është kualifikuar në finalen e turneut përfundimtar të Ligës së Kombeve, që po zhvillohet në Makao të Kinës.

Brazilianet triumfuan pas një gjysmëfinaleje dramatike me rezultat 3:2 në sete (25:27, 25:21, 26:24, 21:25, 15:12), duke i dhënë fund dominimit të kampioneve olimpike dhe botërore.

Më e dalluara te Brazili ishte Ana Kristina me 23 pikë, ndërsa te Italia nga 16 pikë realizuan Nervini dhe Egonu.

Në finale, Brazili do të përballet me Turqinë, e cila në gjysmëfinalen tjetër e mposhti bindshëm Kinën me 3:0 në sete (25:21, 25:15, 25:20). Udhëheqësja e Turqisë ishte Melissa Vargas me 23 pikë.

Ndeshja për vendin e tretë do të luhet mes Italisë dhe Kinës.

Sot mund të lexoni Shfletoni kopertinat