Federata Evropiane shpërblen dy kampionet olimpike të Kosovës

Xhudo

Federata Evropiane shpërblen dy kampionet olimpike të Kosovës

Më: 5 dhjetor 2021 Në ora: 17:38
Federata Evropiane shpërblen dy kampionet olimpike të Kosovës

Federata Evropiane e Xhudos (EJU) i ka shpërblyer me dekoratë kampionet olimpik të Kosovës, Distria Krasniqi dhe Nora Gjakova, për arritjet e tyre gjatë vitit 2021.

Në një Gala në Stamboll të Turqisë me dekoratë u shpërblye edhe Federata e Xhudos së Kosovës.

Krasniqi dhe Gjakova iu bashkuan Majlinda Kelmendit si kampione olimpike, pasi fituan medalje të arta në Lojërat Olimpike Tokio 2020 gjatë kësaj vere në Japoni.

Kosova i fitoi dy medalje të arta në Tokio, duke e çuar në tri numrin e përgjithshëm të medaljeve në historinë e vet në Lojëra Olimpike, pas të medaljes së parë olimpike, të artë po ashtu, të Majlinda Kelmendit në debutimin e Kosovës në Olimpiadë në Rio 2016.

Distria Krasniqi e fitoi medaljen e artë në kategorinë 48 kilogramë, e cila ishte e para për Kosovën në Tokio dhe e para për të në karrierë. Nora Gjakova e përsëriti suksesin e saj duke e fituar medaljen e artë në kategorinë 57 kilogramë.

Kosova i dërgoi 11 atletë në Lojërat Olimpike në Tokio, prej të cilëve gjashtë ishin me normë olimpike. Duke e parë numrin e atletëve pjesëmarrës, rezultati i Kosovës vlerësohet të jetë fantastik.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat