Dardan Cena eliminohet në raundin e parë të Grand Slamit në Abu Dhabi!
Xhudisti kosovar Dardan Cena është eliminuar në raundin e parë të Grand Slamit në Abu Dhabi, në kategorinë deri në 73 kilogramë.
Cena në duelin e tij të parë në këtë garë u përball me xhudistin nga Emiratet e Bashkuara Arabe, Karim Abdulaev, ndaj të cilit pësoi humbje, duke u eliminuar kështu nga gara.
Në të njëjtën kategori, Kosova përfaqësohet edhe nga Akil Gjakova, i cili ka arritur të kualifikohet në çerekfinale pas tri fitoreve të shënuara.