Kosova është nikoqire e Kampionatit Ballkanik 

Xhudo

Kosova është nikoqire e Kampionatit Ballkanik 

Më: 23 shtator 2026 Në ora: 13:41
Foto ilustrim

Për të katërtin vit radhazi, Kosova është nikoqire e Kampionatit Ballkanik, duke mirëpritur rreth 10 shtete pjesëmarrëse: Shqipërinë, Bosnjën dhe Hercegovinën, Malin e Zi, Maqedoninë e Veriut, Greqinë, Moldavinë, Turqinë dhe Bullgarinë.

Për dy ditë me radhë, Peja do të jetë nikoqire e xhudistëve më të mirë të rajonit, me përballje të forta, atmosferë të jashtëzakonshme dhe garë të nivelit të lartë.

“Në ditën e parë të Kampionatit Ballkanik, më 26 shtator 2026, do të zhvillohen garat individuale në kategoritë:
Meshkujt: -60kg, -66kg, -73kg, -81kg, -90kg, -100kg, +100kg

Femrat: -48kg, -52kg, -57kg, -63kg, -70kg, -78kg, +78kg

Luftat preliminare fillojnë në ora 10:00.

Ceremonia e hapjes do të mbahet në ora 15:30.

Blloku final fillon në ora 16:00.

Dita e dytë, 27 shtator 2026, i kushtohet garave ekipore, Mixed Team.

Luftat preliminare fillojnë në ora 10:00.

Ejani në “Karagaç” dhe bëhuni pjesë e atmosferës, duke mbështetur xhudistët tanë!”, thuhet nga FXHK.

Sot mund të lexoni Shfletoni kopertinat