Krasniqi e përgëzon xhudisten e re për suksesin

Xhudo

Krasniqi e përgëzon xhudisten e re për suksesin

Më: 1 prill 2022 Në ora: 13:43
Krasniqi e përgëzon xhudisten e re për suksesin

Presidenti i Komitetit Olimpik të Kosovës, Ismet Krasniqi, ka pritur xhudisten, Laurina Gashi, e cila vizitoi Komitetin Olimpik të Kosovës, bashkë me trajnerin, Dukagjin Gashi dhe të afërm të saj.

Xhudistja Gashi fitoi javë më parë medaljen e argjendtë në Kupën Evropiane për kadete, kategoria -48 kilogramë, të mbajtur në Zagreb të Kroacisë.

Krasniqi e përgëzoi xhudisten e re për suksesin e arritur, derisa i uroi fat dhe suksese edhe në garat e ardhshme ndërkombëtare.

Laurina dhe trajneri i saj, Gashi, u shprehën falënderues ndaj presidentit Krasniqi për pritjen, duke thënë se do të vazhdojnë që me punë dhe përkushtim të madh të arrijnë majat e sukseseve në sportin e xhudos.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat