Medalja e pestë mban emrin e Akil Gjakovës

Xhudo

Medalja e pestë mban emrin e Akil Gjakovës

Nga: K. Goca Më: 30 qershor 2022 Në ora: 13:08
Akil Gjakova

(E plotësuar) -  Medalja e pestë mban emrin e Akil Gjakovës.

Xhudisti ynë fitoi të bronztën në LM 2022, kategoria -73 kg. Akili mundi në finale italianin, Manuel Lombardo.

"Urime Akilit e Laurës dhe gjithë komunitetit të xhudos dhe sportit", shkruan në faqen e KOK-ut.

Akil Gjakova është mposhtur në gjysmëfinale të Lojërave Mesdhetare, nga algjeriani Messaoud Redouane Dris. Xhudisti i kombëtares së Kosovës, Akil Gjakova, i afrohet medaljes në Lojërat Mesdhetare.

Gjakova lufton për medalje të bronztë

Gjakova bëri luftë të madhe në duel me grekun Michail Tsoutlasvili, duke e mposhtur dhe kualifikohet në gjysmëfinale.

Gjakova rrethin e parë e kaloi pa luftë në kategorinë – 73 kg, ndërsa në çerekfinale tregoi klasin e tij. 

Dje, Distria Krasniqi (- 52 kg) fitoi medaljen e artë e Flaka Loxha (-57 kg) të bronztën.

Driton Kuka, trajner më i mirë në botë, është afër medaljes së tretë me garuesit e tij.

"Akil Gjakova e nis mbarë dhe kualifikohet në zonën e medaljeve në LM Oran 2022.

Xhudisti ynë fitoi me ippon ndaj grekut Michail Tsoutlasvili, kategoria -73 kg. Raundin e parë Akili e kishte kaluar pa luftë", shkruan në faqen e KOK-ut.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat