Kosova renditet e para në LM “Oran 2022”

Xhudo

Kosova renditet e para në LM “Oran 2022”

Më: 1 korrik 2022 Në ora: 18:17
Kosova renditet e para në LM “Oran 2022”

Kosova i ka përmbyllur në mënyrë të shkëlqyeshme garat në sportin e xhudos, në Lojërat Mesdhetare “Oran 2022”.

Loriana Kuka ishte garuesja e fundit për sot, teksa as ajo nuk zhgënjeu.

Edhe 25-vjeçarja e fitoi medaljen e artë, pasi në finale mposhti francezen, Chloe Buttigieg.

Për Kosovën ishte kjo medalje e tretë e artë nga këto lojëra, e treta që gjithashtu vije nga xhudo.

Paraprakisht ishin fituar edhe katër medalje tjera në xhudo, dy të arta, me Distria Krasniqin e Laura Fazliun dhe dy të bronzta me Akil Gjakovën e Flaka Loxhën.

Sa i përket sportit të xhudos, Kosova në Lojërat Mesdhetare “Oran 2022” renditet e para – pra me pesë medalje në total (tri të arta e dy të bronzta).

Spanja ka të fituara gjashtë medalje në total, por renditet e dyta pasi ka një të artë më pak se shteti ynë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat