Laurine Gashi ndalet në duelin e parë

Xhudo

Laurine Gashi ndalet në duelin e parë

Më: 23 prill 2025 Në ora: 12:20
Pamje

Eksperienca e garueses kosovare, Laurine Gashi në Kampionatin Evropian të xhudos ishte e shkurtër.

Ajo u ndal qysh në garën e parë, në evenimentin që po mbahet në Podgoricë të Malit të Zi.

18 vjeçarja u mposht me Ippon nga garuesja portugeze, Raquel Brito në garën e vlefshme për të 16-ën e finales.

Krahas Gashit, që garoi në kategorinë deri në 52 kilogramë, në Evropian po merr pjesë edhe kampionia olimpike, Distria Krasniqi, e cila do të garojë sot në të njëjtën kategori.

Akil Gjakova dhe Dardan Cena do të garojnë nesër në kategorinë deri në 73 kilogramë.

comment Për komente lëvizni më poshtë
Sot mund të lexoni Shfletoni kopertinat