“Çmendet” polici në Zvicër, qëllon 7 herë brenda ambienteve të komisariatit

Zvicra

“Çmendet” polici në Zvicër, qëllon 7 herë brenda ambienteve të komisariatit

Më: 31 tetor 2022 Në ora: 19:38
Ilustrim

Një oficer policie ka qëlluar shtatë herë me armën e shërbimit në ambientet e një stacioni policor në Gjenevë të Zvicrës.

Për pasojë një koleg i tij mbeti i plagosur në këmbë. Ngjarja ka ndodhur të premten, 29 tetor, ndërsa mësohet se polici në fjalë ka qenë i alkoolizuar momentin që ka hapur zjarr në ambientet e policisë.

E pyetur nga AFP, prokuroria nuk ka dhënë asnjë informacion tjetër në lidhje me ngjarjen, as për motivin e as për nivelin e alkoolit të gjetur në gjakun e policit në momentin e ngjarjes. Pas deklarimit në prokurori, punonjësi i policisë është lënë i lirë me kushte shtrënguese.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat