Unioni Afrikan e pezullon anëtarësinë e Sudanit - Bota Sot
Unioni Afrikan e pezullon anëtarësinë e Sudanit

Afrika

Unioni Afrikan e pezullon anëtarësinë e Sudanit

Më: 7 qershor 2019 Në ora: 09:18
Kartum, Sudan

Unioni Afrikan e pezulloi anëtarësinë e Sudanit, pasi autoritetet atje i shtypën dhunshëm protestat pro demokracisë, duke vrarë dhjetëra njerëz në kryeqytetin Kartum.

Organizata pan-afrikane paralajmëroi veprime të mëtejshme nëse ushtria nuk e transferon pushtetin te një autoritet civil - çfarë është kërkesë kyçe edhe e protestuesve pro demokracisë.

Aktivistët e opozitës thanë se një grup paramilitar ka vrarë 108 njerëz këtë javë, por, sipas zyrtarëve, bëhet fjalë për 46 viktima.

Kryetari i komisionit të Bashkimit Afrikan, Moussa Faki Mahamat, bëri thirrje për hetime "të menjëhershme dhe transparente" të vrasjeve.

Sudani qeveriset nga ushtria prejse presidenti Omar al-Bashir u përmbys nga pushteti, gjatë një puçi në muajin prill.

Protestuesit kërkojnë që vendi të udhëhiqet nga një qeveri civile.

Ambasada e Shteteve të Bashkuara në Kartum kërkoi që sulmet ndaj protestuesve të ndalen.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...