Marin Mema jep lajmin e madh: Inaugurohet busti i Pashko Vasës në Shkodër

Aktuale

Marin Mema jep lajmin e madh: Inaugurohet busti i Pashko Vasës në Shkodër

Nga: M.L. Më: 28 nëntor 2021 Në ora: 15:18
Marin Mema

Gazetari Marin Mema, njoftoi se sot në Shkodër është inauguruar busti i ri i poetit dhe një ndër kolosëve të Lëvizjes Kombëtare Shqiptare, Pashko Vasës.

Ai në një postim në Facebook theksoi se ky inaugurim u bë falë kontributit të shqiptarëve.

“Jam krenar që pas inisiativës së marrë pak muaj më parë, u inagurua sot në Shkodër busti i ri i poetit dhe një ndër kolosëve të Lëvizjes Kombëtare Shqiptare, Pashko Vasës. Prej kohësh gjendja e bustit të tij nuk e nderonte siç duhej emrin dhe veprën e këtij atdhetari, ndaj dhe me mbështetjen e shqiptarëve të thjeshtë Fondacioni “Shqipëria Tjetër” mblodhi fondet e nevojshme për të realizuar një bust dinjitoz në bashkëpunim me USA - Albanian Society”, u shpreh Mema.

Ai me këtë rast uroi edhe 28 nëntorin duke theksuar se identiteti ynë kombëtar duhet të jetë forca jonë!

“Fryma që duhet të na udhëheqë është pikërisht fuqia e veprës së figurave tona kombëtare! Kjo është forma më e bukur për t’ju uruar 28 nëntorin ! Bashkë jemi gjithmonë më të fortë. ❤️🇦🇱”, përfundoi Marin Mema.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat