Lumir Abdixhiku refuzoi ta takonte, Bajram Begaj zbulon detaje nga ftesa që mori

Aktuale

Lumir Abdixhiku refuzoi ta takonte, Bajram Begaj zbulon detaje nga ftesa që mori

Më: 16 gusht 2022 Në ora: 20:59
Bajram Begaj, Vjosa Osmani dhe Lumir Abdixhiku

Kreu i LDK-së Lumir Abdixhiku refuzoi takimin me presidentin e Shqipërisë Bajram Begaj në ambientet e Kuvendit të Kosovës.

Begaj ka folur mbrëmjen e sotme në RTK në lidhje me këtë çështje duke theksuar se ka pasur një ftesë nga ana e partisë së Abdixhikut që vizita të bëhej në ambientet e tyre.

Por ai nuk e ka pranuar një gjë të tillë për të mos krijuar diferencime në raport me takimet me drejtuesit e partive të tjera politike në Kosovë.

“Unë erdha në Kosovë për të biseduar në shtëpinë time si vëllai me vëllanë dhe për të gjetur rrugët e zgjidhjes. Këto takime doja t’i mbaja në Kuvend. Të gjitha partitë i kam ftuar në Kuvendin e Republikës së Kosovës.

Sipas përgjigjes së LDK të dërguar në stafin tim, është se presidenti ishte i mirëpritur në godinën e LDK-që që të pritesha me nderimet e një presidenti. Ftesa ishte nga ana jonë. Unë erdha në Kosovë me ftesë të republikës së Kosovës. Dhe doja që takimet të bëheshin në këtë formë. Unë personalisht kam kërkuar që takimet të bëheshin të unifikuara. Nuk e arrita dot dhe i takova më vete secilin”, deklaroi Begaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat