​Gjysmëfinale e zjarrtë në Superkupë, përballen Ylli-Sigal Prishtina

Basketboll

​Gjysmëfinale e zjarrtë në Superkupë, përballen Ylli-Sigal Prishtina

Më: 7 dhjetor 2022 Në ora: 22:01
​Gjysmëfinale e zjarrtë në Superkupë, përballen Ylli-Sigal Prishtina

Është konfirmuar tashmë gjysmëfinalja e parë e Superkupës së Kosovës në basketboll.

Aty do të ballafaqohen Golden Eagle Ylli dhe Sigal Prishtina pasi kjo e fundit e ka mposhtur me lehtësi Ponte Prizrenin me rezultat 88-77, ndeshje e cila u zhvillua në Pallatin e Rinisë dhe të Sporteve në Prishtinë.

Çereku i parë ofroi spektakël të vërtetë të dhuruar nga të dy ekipet në podium në një atmosferë të jashtëzakonshme të krijuar në grupi i tifozëve "Plisat" e i cili përfundoi me rezultat 15-20 në favor të kryeqytetasve.

Për dallim nga i pari, çereku i dytë foli krejtësisht në të mirë të Sigal Prishtinës që krijoi epërsi prej 21 pikësh me rezultatin 52-31.

Superioriteti i badhekaltërve vazhdoi edhe në 10 minutëshin e tretë duke e ruajtur epërsinë e thellë e cila në fund të çerekut të tretë ishte 19 pikë dhe rezultati 70-51.

E njëjta fotografi u shfaq edhe në çerekun e katërt dhe të fundit, me Prishtinën në në asnjë moment nuk e rrezikoi fitoren dhe në fund triumfoi me rezultat të thellë 88-77.

Ndërkohë nesër do të zhvillohen dy çerekfinalet tjera ku ballafaqohen Trepça-Rahoveci, me fillim nga ora 17:00 dhe Peja-Bashkimi nga ora 20:30.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat