Duro: Ja çfarë më tha asistenti për golin e anuluar

Futboll

Duro: Ja çfarë më tha asistenti për golin e anuluar

Më: 16 janar 2021 Në ora: 16:44
Duro: Ja çfarë më tha asistenti për golin e anuluar

Trajneri i Laçit, Shpëtim Duro, u shfaq i zhgënjyer pas humbjes ndaj Apolonisë në transfertë. Në prononcimin për “Gol pas Goli”, tekniku kryeqytetas u shpreh:

“Të jem realist, ishte ndeshja më e dobët nën drejtim tim. Nuk e prisja këtë reagim të skuadrës. Këto janë ndeshje shumë të vështira për t’u fituar. Episodet vendosin ndeshjen. Po të kishim barazuar në fund të pjesës së parë, pjesa e dyta do të ishte ndryshe. Por si lojë, nuk jam i kënaqur.

Pata komunikim me asistentin, tha nuk e pashë lojtarin te fundorja. Ishte moment kyç, që mund të ndryshonte lojën. Gol shumë i rregullt, u çudita. Nuk jam i kënaqur me skuadrën, pavarësisht episodit.

Te goli i Apolonisë, nuk pretendova për faull, por javën 2 momente që vendosin rezultatin e ndeshjes. Në futbollin shqiptar nuk është se ka shumë diferenca.

Kemi luajtur 3 ndeshje jashtë, barazim me Teutën, humbje me Kastriotin dhe Apoloninë. Më vjen keq që në këto situata vendosin episodet. Ndikojnë shumë faktorë në ndeshjet jashtë. Terrenet nuk janë shumë të mirë. Duhen mos bëhen gabime, të luftohen.

Nuk bëhet fjalë për rënie të motivimi. Më vjen keq sepse sot nuk e kisha menduar këtë situatë, e kisha menduar ndeshje të vështirë, por mendova se do ta kalonim me sukses”, u shpreh Duro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat