Kombëtarja e Kosovës ka fituar me rezultat të thellë 4-0 ndaj Lituanisë në ndeshjen miqësore të zhvilluar në stadiumin ‘Fadil Vokrri’ në Prishtinë.
Arbër Zeneli, Vedat Muriqi dhe Besar Halimi shënuan golat për djelmoshat e Bernard Challandes, duke marrë një fitore të madhe ndaj Lituanisë, para dy ndeshjeve shumë të vlefshme kualifikuese për “Katar 2022” ndaj Suedisë dhe Spanjës.
E goli i Vedat Muriqit nuk kaloi pa u përshëndetur nga klubi i tij, Lazio, të cilët shpërndarë postimin e Federatës së Futbollit të Kosovës, duke duartrokitur golin e “Piratit”.
Ndryshe, Kosova me datë 28 mars e pret Suedinë, ndërsa tri ditë më vonë udhëton te Spanja.
